|
ZNA- ھەولێر
یەکێک لە دیاردانەی لە ئێستادا خانمان پەنای بۆ دەبەن گەورە کردنی لێوەکانتیان بۆ ئەوەی بە شێوەیەکی سەرنج راکێش دەربکەوێت .
ھەندێک جار خانمان بۆ ئەنجامدانی ئەم کارە پەنا دەبەنە بەر چارەسەری بە دەرمان و ھەندێک جاریش بەشێوەیەکی نەرێنیانە دەردەچێت و کاریگەری تەندروستی لەسەریان دروست دەکات ، لەم بابەتە پێکھاتەیەکتان پێ ئاشنا دەکەین کەبەھۆیەوە دەتوانن لێوەکانتان گەورە بکەن و کاریگەریشی لەسەر تەندروستیتان نەبێت ..
پێکھاتەیەکی سروشتی بۆ گەورەکردنی لێوەکان
دارچین و ڤازلین ..
دارچین ، جۆرە بەھاراتێکە کە لەزۆربەی شارەکانی کوردستان ھەیە و بە ئاسانی دەست دەکەوێت و دارچین یارمەتی لێوەکانت دەدات بە شێوەیەکی گەورە ونەرم و جوان دەرکەون ..
پێکھاتەکان :
• ڤازلین
• یەک کەوچک دارچین
• فڵچەی ددان شووشتن ، یاخود دەتوانی پەنجەی دەستەکانت بەکار بھێنی.
چۆنیەتی ئامادەکردنی :
• دەستەکانت بە جوانی بشۆ و ئینجا لێوەکانت بە باشی خاوێن بکەوە ، دڵنیابە لەوەی ھیچ سوراوێکی پێوە نەماوە ، ھەروەھا نابێت ھیچ مادەیەکی دیکەی لەسەر بێت ، بۆ ئەوەی لێوەکانت خاوێن بن پێش ئەوەی دەست بەم کارە بکەیت .
• خاولیەکی خاوێن بھێنە و کەمێک تەڕی بکە بە ئاوی خاوێن , ئینجا لێوەکانت بە نەرمی خاوێن بکەوە , چونکە ئەمە یارمەتیت دەدات بۆ لابردنی خانە مردووەکانی سەر لێوەکانت .
• ئینجا کەمێک ڤازلین لەسەر لێوەکانت دابنێ ، چونکە ڤازلین لێوەکانت دەپارێزێ لە ووشک بوون ، ھەروەھا سوودی ھەیە بۆ ئەوەی لێوەکانت بە تەڕی بھێلێتەوە. پێش ئەوەی گیراوەی دارچینی بەسەر دابکەیت.
• ئینجا دارچینەکە بھێنە و بە باشی بیکووتە بۆ ئەوەی وەکو دەنکی بچووک بچووکی لێبێت ، (مەرج نییە وەکو ئارد وابێت) بۆ ئەوەی بتوانی لەسەر لێوەکانتی دابنێی .
• ئینجا کەوچکێکی بچووکی دارچین بھێنە و لەناو قاپێکی دابنێی ، ئینجا ھەندێک ڤازلینی بۆ زیاد بکە و تێکەلێیان بکە.
• ئینجا دارچینەکە و ڤازلینەکە بە کەوچکێک یا بە پەنجەکانی دەستت تێکەڵ بکە.
• ئینجا فڵچەی ددانەکە لەناو گیراوەکە دابنێ و کەمێک لەسەر لێوەکانت دابنێ بۆ ماوەی (٣٠ - ٤٠) لێوەکانت بە فڵچەکە و ئەم مادەیە بشێلە .
• بۆ ماوەی ٣٠ چرکەی دیکە ئەم پێکھاتەیە لەسەر لێوەکانت بێت .
• ئینجا پێکھاتەکە بسڕەوە و چینێک ڤازلین لەسەر لێوەکانت دابنێ بۆ ئەوەی نەرمی بکاتەوە .
تێبینی :
ئەگەر لەکاتی بەکارھێنانی ئەم پێکھاتەیە ھەستت بە سووربوونەوەی ناوچەکە و ئازار کرد ، ئەوا پێویستە بۆ ماوەیەک واز بھێنیت ، بەڵام ئەگەر ئەم نیشانانە نەبوو ئەوا بەردەوام دەتوانی ئەم پێکھاتەیە بەکار بھێنی بۆ گەورەکردنی لێوەکانت.
یاسین ئەحمەد
سەرچاوە|مالپەڕی الموضوع
ئەم هەواڵە 80293جار خوێندراوەتەوە |
