2019-01-01 [01:08 AM]

لە تاوانێکی جەرگ بڕدا پزیشکێک لە شەوی سەری ساڵی نوێ ھاوژینەکەی و سێ منداڵی خۆی دەکوژێت. 

بەپێی ھەواڵێکی پێگە ئەلیکترۆنیەکانی میسر ، پزیشکێک لەسەری ساڵی نوێ خێزانەکەی و ھەرسێ منداڵەکەی بە چەقۆ کووشتووە. 

لەھەواڵەکە ھاتووە، لەسەرەتا پزیشکەکە گووتوویەتی کاتێک چوومەوە ماڵەوە بینیم خێزانەکەم و ھەر سێ منداڵم کوژراون، بەڵام دوای لێکۆڵینەوەکان دەرکەوت پزیشکەکە خۆی ئەم کارەی ئەنجامداوە. 

لەھەواڵەکە ئاماژە بەوەکراوە، پزیشکەکە دانی بەوە داناوە کە بەردەوام لەگەڵ ھاوژینەکەی (ئەویش پزیشکە) کێشەیان ھەبووە و ئەم جارە کێشە گەورە بووە و ئەو تاوانەی ئەنجامداوە. 

یاسین ئەحمەد 
سەرچاوە | سکای نیوز