|
Z.N.A
سه‌رنشینێك له جیاتی ده‌رگه‌ی ته‌والێت به هه‌ڵه ده‌رگه‌ی فریاگوزاری فڕۆكه ده‌كاته‌وه
گه‌شتیارێكی پاكستانی، له به‌ریتانیا ده‌یه‌وێت به فڕۆكه‌یه‌كی هێلی ئاسمانی وڵاته‌كه‌ی گه‌شت بۆ كاراچی بكات، له‌جیاتی ده‌رگای ته‌والێت، به هه‌ڵه ده‌رگای چوونه‌ده‌ره‌وه‌ی فریاگوزاری ده‌كاته‌وه.
به‌هۆی هه‌ڵه‌ی ئه‌و گه‌شتیاره، فڕۆكه‌كه 7 كاتژمێر له گه‌شته‌ی دواكه‌وت كه ده‌بوایه كاتژمێر 9:20 خووله‌كی رۆژی هه‌ینی له فڕۆكه‌خانه‌ی مانچسه‌ری به‌ریتانیاوه ده‌ست به گه‌شته‌كه‌ی بكات، به‌ڵام به‌خت یاوه‌ری سه‌رنشینانی فڕۆكه‌كه بووه، چونكه هێشتا له‌سه‌ر زه‌وی بووه و هه‌ڵنه‌فڕیوه.
له‌كاتی كرانه‌وه‌ی ده‌رگاكه‌ش به‌رپرسانی فڕۆكه‌خانه تووشی شۆك بوونه و هۆكاره‌كه‌یان نه‌زانیوه، تا دواتر زانیویانه گه‌شتیاره‌كه به هه‌ڵه ده‌رگه‌كه‌ی كردووه‌ته‌وه.
دوای ئه‌وه‌ش ناچاربوونه هه‌ر 40 سه‌رنشینی فڕۆكه‌كه بهێننه خواره‌وه و ده‌رگاكه‌ش وه‌كو خۆی دابخه‌نه‌وه، ئه‌وه‌ش نزیكه‌ی 7 كاتژمێر گه‌شته‌كه‌یانی دواخستووه.
ئەم هەواڵە 80023جار خوێندراوەتەوە |
