 |
|
|||
ZNA-هەولێر بۆ کەمکردنەوەی رووداوەکانی ھاتوچۆ، حکوومەتی ئوستڕالیا پێشکەوتووترین کامێرا بۆ چاودێریکردنی شۆفێران لە شەقامەکاندا بڵاو دەکاتەوە. کامێرا نوێیەکە لە شەقامەکانی ویلایەتی نیو ساوس وێڵز لە ئوستڕالیا دادەنرێن و بەھۆیانەوە دەتوانرێ بزاندرێ کام شۆفێر لەکاتی شۆفێریدا، مۆبایل بەکار دەھێنێت. دانانی ئەو کامێرایانە دوای زیادبوونی رووداوەکانی ھاتوچۆ بەھۆی سەرقاڵبوونی شۆفێران بە مۆبایلەکانیانەوە دێت، کە تەنیا لە ١١ مانگی ئەمساڵ، ٣٢٩ کەس بەھۆی ئەو رووداوانەوە گیانیان لەدەست داوە. دەستەی گواستنەوەی ویلایەتەکە بڕی غەرامە (پێبژاردن)ی سەرپێچییەکانی بڵاو کردووەتەوە، کە ئەگەر شۆفێرێک لەکاتی شۆفێریدا مۆبایل بەکار بھێنێت، ئەوا دەبێ ٣٤٤ دۆلاری ئوستڕالی (٢٣٣ دۆلاری ئەمریکی) وەک پێبژاردن بدات و ئەگەر مۆبایلەکەشی لە نزیک قوتابخانەکان بەکارھێنا، ئەوا دەبێ ٤٥٧ دۆلاری ئوستڕالی (٣١٠ دۆلاری ئەمریکی)، وەک پێبژاردن بدات. ئەم هەواڵە 49546جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad