2016-06-16 [02:16 AM]

Hewlêr (ZNA) -

Ji îro pênşemiyê ve dest bi dabeşkirina mûçeyên meha 5 a karmendan hat kirin û yekem mûçe jî dê bi ser Hêzên Pêşmerge de bên dabeşkirin.

Wezareta Darayî û Aborî ya Hikûmeta Herêma Kurdistanê ji îro pênşemî 16ê Hezîranê ve dest bi dabeşkirina mûçeyên meha 5 ên karmendên hikûmetê dike.

Rêvebirê Banka Minare, Omer Ebdullah ragihand: Pereyê pêwîst hatiye amadekirin ûm ji saet 11:00ê îro ve dest bi dabeşkirina mûçeyên meha Gulanê yên Wezareta Pêşmerge hatiye kirin.

Omer Ebdullah herwha got: Em pêşbînî dikin saet 13:00 dawî bi dabeşkirina mûçeyên meha 5 a Wezareta Pêşmerge bihê. Ebdullah tekez jî kir,ku her îro dê mûçeyên dîwana wezaretê û lîwayan bên dabeşkirin.

Tê pêşbînîkirin, ku ji destpêka hefteya bihê ve mûçeyên hêzên Zêrvanî, Hêza Amade û yên dezgehên asayişê bên dan.