2017-11-07 [11:32 AM]

Hewlêr (ZNA) -

Nirxê petrolê gihîştine bilindtirîn asta xwe ji heyama 2 salên bihorî ve û her bermîleke petrola Brentê zêdetirî 64 dolarî hate firotin.

Roja Duşemî 6ê Mijdarê nirxê petrolê di bazarên cîhanê de cardin zêde bû û bo her bermîlekê 64 dolar derbas kir.

Duh duşemî danê sibê nirxê her bermîleke petrola Brentê 20 sentan zêde bûbû û her bermîlek bi 62 dolar û 44 sentan hatibû firotin, lê belê di demên êvariyê de derdora 2 dolarên din hate ser nirxa her bermîleke petrolê.

Di dema êvariya duh de, her bermîleke petrola Brentê bi 64 doalr û 35 sentan hat firotin.

Herwiha nirxê petrola sivik a Teksasê jî bilind bû û her bermîleke wê bi 57 dolar û 53 sentan hat firotin.

Li gorî şirovekar û çavdêrên bazara petrolê, desteserkirina 11 şahzade, sermayedar û kesatiyên navdarên Erebistana Siûdiyê yek ji sedemên giring ên zêdebûna nirxê petrolê ye.