2019-01-16 [09:58 AM]

Hewlêr (ZNA) -

Serokê Hevpeymaniya Niştimanî û Serokwezîrê berê yê Iraqê Îyad Elawî daxuyaniyek derbarê terorkirina kadîrekî PDKê li Kerkûkê belav kir û got ku, wî ji mêjde daxwaza çareserkirina pirsa Kerkûkê dikir.

Elawî di daxuyaniya xwe de tîrorkirina kadîrê PDKê Cebar Arif Reşîd şermezar kir û ragehand ku, pêwîste çareseriyeke pêwîst ji rewşa wî bajarî re were dîtin.

Serokê Hevpeymaniya Niştimanî amaje bi wê yekê kir ku, berî niha wî derbarê rewşa xirab ya Kerkûkê hiyarî da bû û ragehandibû ku, divê danûstandinên niştimanî bo çareserkirina rewşa Kerkûkê bên kirin.

Duh li taxa ronakî ya bajarê Kerkûkê du kesan teqe li kadîrê PDKê Cebar Arif Reşîd kirin û reviyanm di encam de kadîrê PDKê şehîd bû.