2019-02-13 [01:43 PM]

Hewlêr (ZNA) -

Berpirsekî hikûmeta Kurdistanê ragihand, her sal herî kêm bi qasî 16 milyar dolar tişt ji Îran û Tirkiyê tên Kurdistanê.

Rêveberê giştî yê bazirganiyê li Wezareta Bazirganî û Pîşesaziyê ya Kurdistanê, Newzad Edhmed di civîneke rojnamevaniyê de ragihand, her sal bi qasî 10 milyar dolar tişt ji Tirkiyê derbasî Kurdistanê dibe û ji Îranê jî bi qasî 6 milyar dolar tişt derbasî Kurdistnaê dibe.

Newzad Edhem da zanîn, beşek mezin ji wan tiştên ku ji Tirkiyê tên, derbasî deverên navîn û başûrê Iraqê dibin.

Wî rayedarê hikûmetê behsa anîna otomobîlan jî kir û ragihand, %84 otomobîlan ji sînorên navbera Îran û Herêma Kurdistanê re û %16 jî ji Tirkiyê derbasî dibe.