2019-04-10 [01:24 PM]

Hewlêr (ZNA) -

Serokwezîrê Herêma Kurdistanê Nêçîrvan Barzanî li Hewlêrê pêşwaziya şandeka Amerîkî kir.

Serokwezîrê Herêma Kurdistanê Nêçîrvan Barzanî duhî li Hewlêrê pêşwazî li Kordînatorê Karûbarên Balyozxaneya Amerîka li Îraqê Joey Hood û Konsûlê Giştî yê Amerîka li Herêma Kurdistanê Steve Fagin kir.

Di civînê de mijarên wek pêkanîna kabîneya nû ya hikûmeta Herêma Kurdistanê, rewşa aborî, geşedanên li herêmê û şerê li dijî DAIŞê gotûbêj kirin.

Şanda Amerîkî tekezî li ser karên hevbeş di navbera Amerîka û Herêma Kurdistanê de kir, ew jî ji bo parastina ewlekariya navçeyê.

Di hevdîtinê de şanda Amerîkî pesna rola Kurdistanê da ku  di şerê DAIŞê de serkeftî bûye û pêşwaziya koçberan kiriye. Di civînê de herwiha tekezî li ser çareserkirina pirsgirêkên di navbera Hewlêr û Bexdayê de bi rêya diyalogê hat kirin.