2019-04-21 [10:29 AM]

Hewlêr (ZNA) -

Berpirsekî hikûmeta Kurdistanê ragihand, rêjeya bêkarî li Başûrê Kurdistanê kêm bûye.

Berpirsê giştî yê kar û karûbarên civakî li Wezareta Kar ya Kurdistanê, Arif Hîto di daxuyaniyekê de got, niha rewşa aborî ya Kurdistanê baştir bûye û derfetên kar zêde bûne, ji ber wê jî wek me texmîn dikir, rêjeya bêkariyê jî kêm bûye.

Arif Hîto her wiha got, rêjeya bêkariyê par %13.7 bû lê niha daketiye %11.3. Ev jî nîşan dide bêkar kêm bûne.

Wî berpirsê hikûmetê bang li şîrket û sektora taybet kir derfetên kar bo bêkaran çêbikin û wan bo kar amade bikin.